भोजपुरी गीत- कहबू त करेजा काढ़ी
कहबू त करेजा काढ़ी हथेली मे थमाइब |
जियते हम तोहरा कबहुँ ना भुलाइब |
सुनबू त दिलवा के बात हम सुनाइब |
बिना तोहरे हम जीयते मरी जाइब |
दिलवा के रानी हम तोहके बनवली |
सपना के सेजिया हम फुलवा सजवली |
बनबू मोर रानी हम तोहके महल बनाइब |
कहबू त करेजा काढ़ी हथेली मे थमाइब |
छोड़ी के मती जा हमरे नजरिया रहा तू |
बिरह के अनहरिया से अजोरिया रहा तू |
बनी जा मोर सजनी सोना कंगना गढ़ाइब |
कहबू त करेजा काढ़ी हथेली मे थमाइब |
तिरछी नजरिया के बान चलावा ना तू गोरी |
करेलु हमके घायल करेजवा लागेला जईसे छुरी |
माने नाही मनवा एकरा कईसे हम मनाईब |
कहबू त करेजा काढ़ी हथेली मे थमाइब |
श्याम कुँवर भारती [राजभर]
कवि ,लेखक ,गीतकार ,समाजसेवी ,
मोबाइल -995550928
Email – shymakunvarbharti@gmail.com
